A Comisión de Calidade da EIDO é o órgano colexiado responsable do desenvolvemento dos programas de calidade na escola.
Composición
- A dirección da EIDO, que a preside: Antonio Collazo Fernández
- O coordinador de calidade/secretario académico da EIDO, que actúa como secretario: Ignacio Pérez Juste
- Responsables de calidade dos programas de doutoramento por cada ámbito recoñecido no RRI da EIDO:
- Artes e Humanidades: Antonia Blanco Pesqueira
- Ciencias: Pedro Pablo Gallego Veigas
- Ciencias Sociais e Xurídicas: Ángeles Parrilla Latas
- Enxeñaría e Arquitectura: Asunción Longo González
- Campus do Mar: Marta Conde Sieira
- O xefe do Servizo de Xestión de Estudos de Posgrao, ou persoa en quen delegue: José Luís Gómez Reboiro
- Unha persoa representante do estudantado de doutoramento: Jonathan Castaño Serna
- A dirección da Área de Calidade ou a persoa en quen delegue: Raquel Gandón Chapela
- O técnico superior de Calidade: José Miguel Dorribo Rivera
Participarán tamén nas sesións, en calidade de persoas invitadas, con voz pero sen voto:
- Un/Unha representante do estudantado egresado.
- Un/Unha representante das entidades colaboradoras representadas no comité de dirección da Eido.
Funcións
- Informar a estratexia da EIDO e a súa revisión, cando proceda, así como o seu seguimento.
- Debater e validar, se procede, o manual de calidade e os procedementos de calidade da Eido. En particular, aprobar as modificacións dos seus anexos (formularios, guías...) cando evolucionen de xeito independente aos procedementos.
- Realizar o seguimento dos distintos programas ligados á mellora da calidade e da sostibilidade da EIDO e dous seus programas de doutoramento adscritos, así como propoñer as melloras pertinentes.
- Colaborar coa implantación, co desenvolvemento e co seguimento dos programas de calidade e sostibilidade.
- Debater, propoñer e realizar o seguimento das accións de mellora de calidade, co fin de potenciar continuamente a calidade da formación doutoral en todos os medios e procesos que nela inflúen, mediante unha colaboración constante cos órganos colexiados que teñan responsabilidades neste ámbito.
- Participar activamente en todos os procesos académicos relativos á oferta formativa da EIDO (verificación de novos programas; modificación, suspensión ou extinción dos existentes; procesos de acreditación), e emitir a súa valoración e de acordo coa normativa vixente.
- Intercambiar, debater e propoñer a participación da Eido en plans institucionais, nacionais e internacionais en materia de calidade e sostibilidade.